Մոսկվան ու Երևանը փաստաթուղթ են պատրաստում, որը կապահովի օտարերկրյա զինվորականների բացակայությունը Հայաստանում. Լավրով (ՎԻԴԵՈ)
Միաժամանակ նա նշել է, որ ԱՊՀ անդամ յուրաքանչուր երկրում Ռուսաստանը մի քանի անգամ ավելի քիչ դիվանագետ ունի, քան ԱՄՆ-ն:
ԵՐԵՎԱՆ, 17 դեկտեմբերի. /ԱՌԿԱ/. ԵՐԵՎԱՆ, 17 դեկտեմբերի. /Նովոստի-Արմենիա/. Ներկա պահին Մոսկվան և Երևանը փաստաթուղթ են պատրաստում, որը պետք է ապահովի Հայաստանում օտարերկրյա զինվորականների բացակայությունը: Այդ մասին «Комсомольская правда»-ին հարցազրույցում պատմել է ՌԴ արտաքին գործերի նախարար Սերգեյ Լավրովը, պատասխանելով Հայաստանում ամերիկյան կենսաբանական լաբորատորիաների առկայության մասին հարցին:
«Հայաստանի հետ մենք ավարտում ենք փաստաթղթի մշակման գործընթացը, որը կապահովի այնտեղ օտարերկրյա զինվորականների բացակայությունը և որը կերաշխավորի, որ այնտեղ ամեն ինչ թափանցիկ է», - նշեց դիվանագետը:
Միաժամանակ նա նշել է, որ ԱՊՀ անդամ յուրաքանչուր երկրում Ռուսաստանը մի քանի անգամ ավելի քիչ դիվանագետ ունի, քան ԱՄՆ-ն:
Նա խոստովանեց նաև, որ ամերիկյան կողմը լուրջ առավելություն ունի այդ հարցում:-0-