(Казан, 1 гыйнвар, «Татар-информ», Рузилә Мөхәммәтова). Әлмәт театрының «Җил артыннан» спектакле Россиянең кече шәһәр театрлары фестиваленең конкурс программасына кергән. «Эксперт советы карары белән, фестиваль программасына 16 спектакль керде», — дип хәбәр ителә Милләтләр театрының рәсми сайтында. Россиянең кече шәһәр театрлары фестивале быел 30 майдан 5 июньгә кадәр Свердловск шәһәренең Түбән Тагил шәһәрендә үтә. Программага Башкортстанның Стәрлетамак, Удмуртиянең Сарапул, Глазов шәһәрләрендәге театрлар, Якутиянең Мирный, Пермь краеның Кудымкар, Лысьва шәһәрләре башкалар кергән. Әлмәт театрында «Җил артыннан» спектаклен театр директоры чакыруы буенча Камил Тукаев куйды. Спектакль әфган язучысы Халит Хоссейни романы буенча куелган, инсценировка авторы — Мэттью Спенглер. 2021 елда әлеге фестиваль Чаллы шәһәрендә үтте. Фестивальнең гран-приын «Көзге сере» спектакле белән Әлмәт театры алды.
