Столтенберг НАТО ва Россия қайси мавзуларни муҳокама қилишини айтди
Россия – НАТО кенгаши Европадаги хавфсизлик, Украинадаги вазиятни муҳокама қилади. Бу ҳақда НАТО бош котиби Йенс Столтенберг маълум қилди.
«Мен Европадаги хавфсизлик, айниқса, Украина ва унинг атрофидаги вазият, ҳарбий фаоллик, ҳаракатлардаги ўзаро шаффофлик масалаларини муҳокама қилиш учун 12 январь кунига Россия – НАТО кенгашини чақирдим», – деб ёзди у твиттерда.
Москва Вашингтон ва унинг иттифоқчиларидан НАТОни кенгайтирмаслик, собиқ совет мамлакатлари билан ҳарбий ҳамкорликни тўхтатиш, Европадан АҚШ ядро қуролини олиб чиқиб кетиш, НАТО кучларини 1997 йилдаги жойлашувига қайтаришни талаб қилмоқда.
Столтенберг НАТО Украина ва Грузиянинг альянсга қўшилишида Россия билан муроса қилмаслигини айтган.
kun.uz