Мордовиясто покштятнеде-бабатнеде кулятне кудосто апак лисне муевить – Яндекссэ!(эрзя)
Мордовия республикань центральной государственной архивесь ды «Яндекс» компаниясь топавтыть историянь документтнэнь оцифровкань коряс покш теварсевкс. Сонзэ лувсо архивесь уш получась неень шкань планетарной сканер кезэрень метрической книгатнень «цифрасо» ванстомга. «Поиск по архивам» сервиссэнть уш путозь 815 тёжадо ламо электронной образт кото уездэнь метрической книгатнень кедьсэ сёрмадозь страницатнень коряс: Орданьбуень, Инсаронь, Краснослободскоень, Саранскоень, Спасскоень ды Темниковань. Те малав 26% генеалогиянь коряс весе документтнэнь эйстэ, конат ванстовить архивсэ. Ней эрьва ломанесь варчасы муемс информациянть эсь ундокстнэде Саранскоев апак сакшно.
Оригиналтнэ ней седе чуросто нолдавить тевс важодемасо, мезесь кувалгавты сынст эрямост. Генеалогической вешематне топавтовить седе куроксто. Те пек паро невтевкс, кода неень шкань технологиятне лездыть ванстомс историянть ды теемс сонзэ эрьвантень малавиксэкс!