Камил хәзрәт Сәмигуллин Актанышта ифтар ашында катнашты
Татарстан мөселманнары Диния нәзарәте җитәкчесе, мөфти Камил хәзрәт Сәмигуллин Актанышта ифтар ашында катнашты. Башта ул "Сәләтле балалар өчен гуманитар гимназия-интернат" укучылары һәм ата-аналар белән очрашты.
Кызыклы сөйләшүдә район башлыгы Энгель Фәттахов, Көньяк-көнчыгыш төбәге казые, «Фәнис» мәдрәсәсе директоры Марат хәзрәт Мәрданшин һәм Актаныш районы имам мөхтәсибе Руслан хәзрәт Мортазин да катнашты. Сөйләшү бик тә җанлы узды, балалар рәхәтләнеп вәгазь тыңлады, кызыклы сорауларын бирделәр. Бу турыда Актаныш муниципаль районының матбугат хезмәте хәбәр итә.
Очрашулар Җәмигъ мәчетендә дәвам итте. Үзәк иман йортына җыелган район халкы Камил хәзрәтнең вәгазьләрен тыңлады, бергәләп намаз укыдылар. Аннан кунаклар, район башлыгы Энгель Фәттахов тарафыннан, җитәкчеләр өчен оештырылган ифтар ашында катнашты. Ифтар ашлары һәр җирлектә зурлап оештырыла. 25 апрель көнне ифтарның чираттагысы район халкы өчен "Батыр" спорт комплесында узачак.