Санкт-Петербургта ТАССРның 100 еллыгына багышланган зур онлайн-концерт узачак
![Санкт-Петербургта ТАССРның 100 еллыгына багышланган зур онлайн-концерт узачак](https://tatar-inform.tatar/attachments/2d94422832f02126b3a8fca08789b6ee212f139f/store/fill/780/440/6bceede88d9463a4cee7bef7e480a00cdacdea1df9ecee8b751fc855d6bd/4222_n1821271_big.jpg)
(Казан, 8 сентябрь, «Татар-информ»). Санкт-Петербургта һәм Ленинград өлкәсендә Татар мәдәнияте көннәре фестивале кысаларында 12 сентябрьдә 12.00 сәгатьтә «Piter Tatar» yotube.com каналында Санкт-Петербург шәһәре һәм Ленинград өлкәсенең атказанган артистлары һәм иҗат коллективлары катнашында зур онлайн-концертның трансляциясе була. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә. Программа шулай ук Санкт-Петербург шәһәренең төбәктә яшәүче татарларның тарихи урыннары белән бәйле истәлекле урыннары буйлап интерактив экскурсияне дә үз эченә ала.