Синдаров ва Каруана ўртасидаги кескин классик жанг бўлади бугун...

Жавоҳир Синдаров ва Фабиано Каруана ўртасидаги классик партиялар статистикаси рақамларда кўриб чиқилганда, ҳақиқий юқори даражали шахмат кураши намоён бўлади.

Фабиано Каруана Номзодлар турнирининг энг тажрибали иштирокчиларидан бири ҳисобланади. У мазкур мусобақада 6 марта қатнашган (2016, 2018, 2020/21, 2022, 2024, 2026) ва 2018 йилда чемпионликни қўлга киритган. Ҳозирги кунда у жаҳон рейтинг жадвалида 3-ўринда бормоқда.

Биринчи турда Синдаров ва Каруана ўртасидаги учрашув ўта кескин ва муросасиз руҳда ўтган эди. Ўша партияда Жавоҳир ғалаба қозонган ва айнан шу натижа унинг жаҳон рейтингида 6-ўринга кўтарилишига туртки берган.

Фабианонинг биринчи турдаги умумий натижалари эса қуйидагича шаклланган:
— 3 та дуранг (Аниш Гири, Андрей Есипенко, Праггнананда Рамешбабу),
— 3 та ғалаба (Ҳикару Накамура, Вей Йи, Маттиас Блюбаум),
— 1 та мағлубият (Жавоҳир Синдаров).

Бугунги тур Фабиано Каруана учун катта аҳамият касб этади. Назарий жиҳатдан, ушбу партия унга чемпионлик учун курашда умидни сақлаб қолиш учун сўнгги имкониятлардан бири бўлиши мумкин.

Синдаров эса ўз навбатида ўзининг барқарор формасини давом эттириб, фаворит рақибларга қарши яна бир муҳим ғалаба ёки натижа қайд этишни мақсад қилган.