"Сити" "Реал"га қарши таркибни эълон қилди: Ҳусанов ўйинга тушадими?
Европа Чемпионлар лигаси 1/8 финалида футбол мухлисларини яна бир катта тўқнашув кутиб турибди: «Манчестер Сити» «Реал»га қарши майдонга тушади. Бу жуфтлик охирги йилларда чемпионлар лигасининг энг кўп муҳокама қилинадиган қарама-қаршиликларидан бирига айланиб улгурган — ҳар сафар майдонда ҳам, майдон ташқарисида ҳам алоҳида ҳаво бўлади.
Пеп Гвардиола мазкур баҳс олдидан «шаҳарликлар»нинг расмий қайдномасини эълон қилди. Эътиборлиси, рўйхатдан Ўзбекистон миллий терма жамоаси ҳимоячиси Абдуқодир Ҳусанов ҳам жой олди. Демак, ўзбек футболчиси яна бир бор Европанинг энг юқори саҳнасида кўриниш бериш имкониятига эга.
Гвардиола танлови жамоанинг амбициясини ҳам кўрсатади: таркибда тажриба, куч ва тезликни бирлаштирган футболчилар йиғилган. Дарвоза чизиғида Доннарумма, Траффорд ва Беттинелли каби вариантлар бор. Ҳимояда эса Нунес, Аллейн, Ҳусанов, Геҳи, Стоунз, Диаш, Аке ва Айт-Нури каби ўйинчилар орқали барқарорлик таъминланиши кутилмоқда.
Яримҳимояда Родри, Нико, О’Райли, Рейндерс, Бернарду Силва, Райан Шерки ва Фил Фоден каби футболчилар ўйин ритмини ушлаб туриш, тўп назорати ва босимни тўғри тақсимлашда асосий роль ўйнаши мумкин. Ҳужум чизиғида эса Семеньо, Савинио, Мармуш, Холанд ва Доку — гол ва тезликка жавоб берадиган “портловчи” линия.
Эслатиб ўтамиз, «Манчестер Сити» — «Реал» учрашуви 11 март санасига белгиланган. Мухлислар эса аллақачон битта саволни айлантира бошлади: бу кечада кимнинг режаси кучли чиқади — “Бернабеу” тажрибасими ёки “Этиҳад” тактикасими?
Қайднома:
— Дарвозабонлар: Жанлуижи Доннарумма, Жеймс Траффорд, Беттинелли.
— Ҳимоячилар: Нунес, Аллейн, Абдуқодир Ҳусанов, Марк Геҳи, Жон Стоунз, Рубен Диаш, Натан Аке, Аит-Нури.
— Яримҳимоячилар: Родри, Нико, О’Райли, Рейндерс, Бернарду Силва, Райян Шерки, Фил Фоден.
— Ҳужумчилар: Антуан Семенё, Савинио, Омар Мармуш, Эрлинг Ҳоланд, Жереми Доку.