Флик «Атлетик» устидан қозонилган ғалабадан сўнг фикр билдирди
"Барселона" бош мураббийи Ханс Дитер Флик Испания чемпионатининг 27-турида "Атлетик" устидан қозонилган 1:0 ҳисобидаги ғалабадан сўнг ўз таассуротлари билан ўртоқлашди. Мутахассис жамоа ичидаги бирдамлик ва ўзаро ҳурматни юқори баҳолади.
Фликнинг сўзларига кўра, у шогирдларининг майдондаги ҳаракатлари ва бир-бирига бўлган ишончидан фахрланади. Мураббий "Атлетико"га қарши ўйиндаги йирик ғалабадан кейин футболчиларнинг кайфияти ва машғулотларга бўлган ёндашувини алоҳида таъкидлади. Унинг мақсади жамоада соғлом муҳитни сақлаб қолиш ва ҳар бир ўйинчининг ўз салоҳиятини тўлиқ очиб беришига эришишдир.
Қийин сафар ўйинида қўлга киритилган уч очко жамоа учун жуда муҳим аҳамиятга эга. Флик "Атлетик" каби кучли рақибга қарши ўз мухлислари қаршисида ғалаба қозониш осон эмаслигини тан олди. Шунингдек, мураббий Ферран Торреснинг ўйинига ҳам тўхталиб ўтди. Унинг фикрича, Ферран тезкор ва иқтидорли футболчи, бироқ ҳозирда унга бироз омад етишмаяпти. Мураббий футболчининг ўзига бўлган ишончини қайтариш учун барча чораларни кўришини ва унга ёрдам беришга тайёрлигини билдирди.