Колосков ФИФА АҚШга қарши кескин чорага бормайди деб ҳисоблайди
РФСнинг фахрий президенти Вячеслав Колосков ФИФА 2026 йилги футбол бўйича жаҳон чемпионатини АҚШдан олиб қўйиши эҳтимоли жуда паст, деб ўйламоқда. Бу ҳақда euro-football.ru хабар беради.
Унинг фикрича, назарий жиҳатдан бундай қарор қабул қилиш мумкин, аммо амалда ФИФА Америка билан "урушишга" журъат эта олмайди. Колосков бу вазиятда икки томонлама стандартлар яққол кўринаётганини таъкидлади, деб хабар берди «Match TV».
Эслатиб ўтамиз, 2026 йилги ЖЧ ёзда Шимолий Америкадаги уч давлатда бўлиб ўтади. Турнирга АҚШ, Канада ва Мексика мезбонлик қилади.
Амалдаги жаҳон чемпиони — Аргентина терма жамоаси. Лионел Скалони шогирдлари ЖЧ-2022 финалида Франция терма жамоасини мағлуб этганди.