«Севилья» «Бетис»га қарши дербида икки гол фарқини қоплади
Испания чемпионатининг 26-турида «Севилья» дербиси томошабинларга ёрқин футбол тақдим этди. Бу ҳақда euro-football.ru хабар беради.
Учрашувнинг дастлабки 15 дақиқасида Хуан Эрнандеснинг зарбасидан кейин тўп ҳимоячига тегиб қайтди, Антони эса қайтган тўпни дарвозага жойлаб қўйди — 1:0. Биринчи бўлим якунида Абде Эз вазият яратиб берди, Альваро Фидальго эса яқин масофадан аниқ якунлади — 2:0.
62-дақиқада «Севилья» ҳисобни қисқартириб, ўйинга яна интрига қайтарди: Осодан узатма, Алексис Санчеснинг бош билан зарбаси — 2:1. Кейинроқ Акор Адамс хавфли зарба йўллади, аммо дарвозабон жамоасини қутқариб қолди. 85-дақиқада Жибрил Соу пасидан сўнг Исаак Ромеро Бернал ҳисобни тенглаштириб, «Севилья»га дурангни олиб берди — 2:2. Орадан кўп ўтмай Абде Эз ғалаба голини уриши ҳам мумкин эди, бироқ унинг зарбаси устунга тегди.
Дурангдан кейин «Бетис» турнир жадвалида 5-ўринда бормоқда, «Севилья» эса 11-поғонани бошқа жамоалар билан бўлишиб турибди.