«Галатасарой» ва «Фенербаҳче» футболчиларини ставкалар учун қамоқ кутмоқда
Туркиянинг «Галатасарой» ва «Фенербаҳче» клубларида тўп сурадиган икки футболчи ноқонуний ставкалар билан боғлиқ иш бўйича қамоқ жазосига тортилиши мумкин. Бу ҳақда euro-football.ru хабар беради.
Гап «Галатасарой» вакили Метехан Балтачи ҳамда «Фенербаҳче» сардори Мерт Ҳакан Яндаш ҳақида кетмоқда. Уларга мос равишда 13 йил ва 17 йилгача озодликдан маҳрум этиш жазоси таҳдид солмоқда.
Sabah нашри маълумотига кўра, Балтачи камида икки марта «Галатасарой» ўйинларига пул тиккан. У ўша баҳсларда асосий таркибдан жой олмаган бўлса-да, қайдномада бўлган ва бу ҳолат футболчининг натижага таъсир кўрсатиш эҳтимолини оширади.
Амалдаги турк қонунчилигига биноан, у букмейкерларга профессионал спортчи эканини маълум қилиши шарт эди, бироқ футболчи бу талабни бажармагани қайд этилмоқда.