«Айнтрахт» рақиби «Фрайбург»ни ишончли ҳисобда мағлуб этди
Бундеслиганинг 24-турида турнир жадвалида ёнма-ён турган «Айнтрахт» ва «Фрайбург» ўзаро тўқнаш келди. Франкфурт клуби ўз майдонида ўйин ташаббусини қўлга олди, бироқ биринчи бўлимда узоқ вақт ҳисобни очолмай қийналди. Бу ҳақда euro-football.ru хабар беради.
29-дақиқада Арно Мюинга хавфли зарба йўллади, дарвозабон эса жамоасини гол ўтказиб юборишдан асраб қолди. Танаффус олдидан Игор Матановичнинг бош билан йўллаган зарбаси устунга тегиб қайтди.
Иккинчи бўлимда ҳам мезбонлар босимни кучайтирди: Винченцо Грифонинг зарбасига дарвозабон ажойиб сейв билан жавоб берди. 64-дақиқада Ннамди Коллинз жарима майдонида Фарес Шаибига пас узатди ва ярим ҳимоячи ҳисобни очди — 1:0.
Учрашув сўнгида Шаиби яна бир ҳужумни ўткирлаштирди, Жан Маттео Баойя эса дарвозабон устидан чиройли тарзда ошириб тепиб, якуний ҳисобни ўрнатди — 2:0.
Ушбу ғалабадан сўнг «Айнтрахт» «Фрайбург»ни ортда қолдириб, турнир жадвалида 7-ўринга кўтарилди.