Ковач «Бавария»га 2:3 мағлубиятдан кейин фикр билдирди
Германия Бундеслигасининг 24-тур марказий баҳсида Дортмунднинг «Боруссия» жамоаси Мюнхеннинг «Бавария» клубига 2:3 ҳисобида имкониятни бой берди. Учрашувдан сўнг «арилар» бош мураббийи Нико Ковач натижа юзасидан муносабатини билдирди. Бу ҳақда euro-football.ru хабар беради.
Мутахассиснинг айтишича, Чемпионлар лигасидан чиқиб кетганидан кейин жамоа бу сафар анча яхши ўйин кўрсатган. Ковач футболчилар характер намоён этганини таъкидлаб, омад бироз ён босганида дуранг ҳам қайд этилиши мумкинлигини қўшимча қилди. Бироқ якунда рақиб футболчиларининг маҳорати учрашув тақдирини ҳал қилганини қайд этди.
Ушбу ғалабадан кейин «Бавария» турнир жадвалида «Боруссия»дан олдинги устунлигини 11 очкогача оширди.