Нобоа «Рубин»нинг «Барселона»ни енггани учун рекорд бонусни айтди
2009 йил октябрида Қозоннинг «Рубин» клуби Чемпионлар лигасида катта шов-шувга сабаб бўлган натижага эришганди — жамоа «Камп Ноу»да «Барселона»ни 2:1 ҳисобида мағлуб этган. Бу ҳақда euro-football.ru хабар беради.
Ўша учрашувда «Рубин» сафида ўйнаган Кристиан Нобоа йиллар ўтиб, бу ғалаба учун футболчиларга берилган мукофот пуллари миқдорини эслаб ўтди.
«Бу мен олган энг катта премиялар эди. Ҳар бир ўйинчига 80 минг доллар беришган», — дея Нобоа сўзларини «Спорт-Экспресс» келтиради.
Ярим ҳимоячи таъкидлашича, у бу пулни сарфлаб юбормган — ўша пайтдаёқ вазминроқ йигит бўлгани учун маблағни жамғармага олиб қўйган.
Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқ поғоналарда якунлаган бўлса, Киевнинг «Динамо»си сўнгги ўринда қолган.