Хави Лапорта рақиби Фонтни президентлик пойгада қўллади
“Барселона”нинг собиқ футболчиси ва бош мураббийи Хави клуб президентлиги сайловларида Жоан Лапортага қарши позиция билдирди. У Виктор Фонт иштирокидаги оммавий тадбирда қатнашиб, унинг номзодини очиқ қўллаб-қувватлади, дея хабар бермоқда Испаниянинг Sport нашри. Бу ҳақда euro-football.ru хабар беради.
Эслатиб ўтамиз, Жоан Лапорта яқинда истеъфога чиқди — бу унга навбатдаги муддат учун яна номзодини қўйиш имконини беради.
Хави эса 2023/2024 йилги мавсум якунида “Барселона” бош мураббийлигидан кетган. Шундан сўнг каталонияликлар жамоасини Ханс-Дитер Флик қабул қилиб олди.
Шанба, 28 февраль куни “Барселона” Испания чемпионатида ўз майдонида “Вильярреал”га қарши ўйин ўтказади.
Аввалроқ Лапорта Хави “Барселона” яна икки йил рақобатбардош бўлмайди” деганини ва 10 нафар футболчини алмаштиришни сўраганини айтганди.