Матвей Сафонов севимли машғулоти ҳақида очиқ гапирди
ПСЖ дарвозабони Матвей Сафонов бўш вақтида рус бильярдини ўйнашни ёқтиришини айтди. Бу ҳақда euro-football.ru хабар беради.
Унинг сўзларига кўра, бу қизиқиш "Краснодар"даги фаолияти даврида бошланган: клуб базасида бильярд столи бўлиб, футболчилар вақти-вақти билан бир-икки партия ўйнаб туришарди.
Сафонов телеграм-каналида ёзишича, аввалига уйдан яқин бильярдхонага дўстлари билан бориб турарди, кейин эса бу одати сезилмай ҳақиқий хобби даражасига кўтарилган: у ўз кийини сотиб олган, ҳатто якка тартибдаги машғулотларни ҳам синаб кўрган.
Бироқ вақт ўтиб, дарвозабон бильярдни профессионал йўналишга буришни истамаганини англаб, уни шунчаки хобби сифатида қолдиришга қарор қилган ва ўйинни чуқурроқ такомиллаштиришни тўхтатган.