Руджери Каванига футболни якунлашни маслаҳат берди
Уругвайлик ҳужумчи Эдинсон Кавани Аргентинада оғир даврни бошдан кечирмоқда. «Бока Хуниорс» мухлислари тез-тез уни ҳуштакбозлик билан кутиб олмоқда, футболчининг ўзи эса айрим ўйинларда майдонга тушмаяпти ёки учрашув якунига етмасдан алмаштирилмоқда. Бу ҳақда euro-football.ru хабар беради.
Аргентина футболининг собиқ юлдузи Оскар Руджери Каванига бўлган бундай муносабатни ҳақоратли деб баҳолади. Унинг фикрича, катта тажриба ва нуфузга эга футболчи учун бу ҳолатга чидамасдан кўра, футболчилик фаолиятини якунлаш маъқул.
Руджерининг сўзларига кўра, Каванининг обрўли фаолияти фонида трибуналардан келаётган босим умуман тўғри эмас. Манбалар унинг «бунақаси бўлмайди, яхшиси футболни йиғиштирсин» мазмунидаги фикрларини келтирмоқда.
Эслатиб ўтамиз, Кавани аввалроқ «Наполи», «PSJ» ва «Манчестер Юнайтед» каби клубларда ҳам тўп сурган.