Арне Слот АПЛда аутларга ёндашув кескин ўзгарганини айтди
«Ливерпул» бош мураббийи Арне Слот Англия клублари аут вазиятларига аввалгидан ҳам жиддийроқ ёндаша бошлаганини таъкидлади. Бу ҳақда euro-football.ru хабар беради.
Мутахассиснинг сўзларига кўра, Премьер-лигада стандарт вазиятлар борасидаги ёндашув сезиларли даражада янгиланган: рақиб аутдан тўпни ўйинга киритиши учун баъзан деярли бир дақиқа кутишга тўғри келмоқда. Слот клублар аутларни бурчак зарбаси каби қуролга айлантириб, уни тактик элемент сифатида ишлатаётганини айтди ва «Ливерпул» бундай эпизодларда аввал яхши ҳаракат қила олмаганини ҳам тан олди. The Touchline Viaplayга таяниб Слотнинг фикрларини келтирди.
Ҳозирда «Ливерпул» Премьер-лига турнир жадвалида 6-ўринда бормоқда. Арне Слот жамоасининг навбатдаги учрашуви 28 февраль куни ўз майдонида «Вест Ҳем»га қарши ўтади.