Николас Жексон «Бавария»даги ролидан норози бўлиб турибди
Мюнхеннинг «Бавария» клубида ҳужумчи Николас Жексон ўзининг жамоа ичидаги ҳолатидан кўнгли тўлмаяпти. Бу ҳақда euro-football.ru хабар беради.
Bild нашри хабарига кўра, сенегаллик футболчи мюнхенликлар сафида ўйин амалиёти камлигидан норози бўлаётган ягона футболчи ҳисобланади. Унинг ранжиши жамоа муҳитида ҳам сезилмоқда. Қолган футболчилар эса чекланган ролига кўникиб, кўпроқ дақиқа олиш учун меҳнат қилишга уринмоқда.
«Бавария» Жексонни 2025 йил сентябрида «Челси»дан мавсум охиригача 16 миллион евро эвазига ижарага олганди. Битимда футболчини 65 миллион еврога сотиб олиш опцияси ҳам бор. Жорий мавсумда у барча мусобақаларда 22 ўйинда майдонга тушиб, 5 та гол урди ва 1 та голли пас берди.