«Барселона» Холандни ҳам олиб келиши мумкинлигини билдирди
«Барселона» директорлар кенгаши аъзоси Жоан Солер клуб йирик трансферлар қилишга тайёр эканини айтди. Унинг таъкидлашича, каталонияликлар энг катта юлдузлар учун кураш олиб бориш имкониятига эга. Бу ҳақда euro-football.ru хабар беради.
«Ҳа, биз Холанд ёки Алварес каби футболчиларни ҳам имзолашимиз мумкин. Бундай харидлар беш йил ичида ўзини оқлайди. Клубнинг молиявий ҳолати бунга йўл беради», — деди Солер Cadena Ser эфирида.
Энди асосий савол — «Барселона» ёзги трансфер ойнасидайоқ топ-ҳужумчилардан бирини олиш учун амалий қадам ташлайдими ёки йўқ. Холанд эса ҳозир дунёнинг энг кучли футболчилари қаторида, Transfermarkt портали норвегиялик форвардни 200 миллион евроға баҳоламоқда.