Аргентинада солиқ можароси сабаб чемпионат вақтинча тўхтайди
Аргентина чемпионати бир ҳафталик танаффус олади: 9-тур учрашувлари кейинроқ ўтказилади. Бунга мамлакат футбол федерацияси атрофида яна бир коррупция можароси юзага келгани сабаб бўлди. Бу ҳақда euro-football.ru хабар беради.
Қизиғи шундаки, 7 ва 8-тур ўйинлари режа бўйича ўтади, танаффус эса 9-турга тўғри келади. Тақвимга кўра 9-тур баҳслари 5–8 март кунлари ўтиши керак эди, аммо 5 март куни AFA президенти Клаудио Тапиа трибунал олдида жавоб бериши кутилмоқда.
derbyderbyderby.it хабарига кўра, собиқ футболчилар ва ходимларга пенсия тўловлари билан боғлиқ схема орқали 19 миллиард песо миқдоридаги солиқдан қочилган бўлиши мумкин — бу Европа валютасида ҳам салмоқли, қарийб 12 миллион евро. Шунингдек, федерация пул ювиш жараёнларида иштирок этган бўлиши эҳтимоли ҳам текширилмоқда.