«Ал Ҳилол» Карим Бенземасиз қолиб кетиши мумкин
«Ал Ҳилол»нинг юлдузли янги футболчиси Карим Бензема жамоа машғулоти давомида сон қисмидан жароҳат олди. Клуб матбуот хизмати футболчининг ҳолати бўйича маълумот берди. Бу ҳақда euro-football.ru хабар беради.
Француз ҳужумчисининг «Ал Таавун»га қарши яқинлашиб келаётган учрашувда майдонга тушиши катта сўроқ остида турибди. Тез орада Бензема тиббий кўрикдан ўтади ва шундан кейин тикланиш муддати аниқ бўлади.
Эслатиб ўтамиз, Бензема бу қишда «Ал Иттиҳод»дан «Ал Ҳилол»га ўтган. У янги жамоа сафида ҳозирча учта ўйинда қатнашиб, учта гол урди ва битта голли узатма муаллифи бўлди.