Бруну Фернандеш МЮда қолиши учун шарт қўйди
Бруну Фернандешнинг номи сўнгги пайтларда трансфер гап-сўзларида тез-тез тилга олинмоқда. Португалиялик ярим ҳимоячи аввалроқ, агар “Манчестер Юнайтед” уни сотишни истаса, бунга қаршилик қилмаслигини айтиб ўтганди. Бу ҳақда euro-football.ru хабар беради.
The Touchline нашри журналист Стив Бейтсга таяниб хабар беришича, 31 ёшли Фернандеш клубда қолишни хоҳлайди, бироқ бунинг учун жамоа кейинги мавсум Чемпионлар лигасига йўлланма олиши керак.
Айни дамда “Манчестер Юнайтед” Англия Премьер-лигаси жадвалида бешинчи ўринда бормоқда. “Қизил иблислар” душанба кунги “Эвертон”га қарши учрашувда очко олса, тўртинчи поғонага кўтарилиши мумкин.