«Ал-Наср» Жезуш билан шартномани узайтириш ниятида
Саудия Арабистонининг «Ал-Наср» клуби бош мураббий Жорже Жезуш билан ҳамкорликни давом эттириш бўйича қарорга келди. Манбаларга кўра, клуб раҳбарияти португалиялик мутахассисга 2027 йил ўрталаригача мўлжалланган янги шартнома таклиф қилишга тайёр. Бу ҳақда euro-football.ru хабар беради.
Жамоа ичида Жезушнинг ишидан қониқиш юқори ва клуб уни кейинги мавсумда ҳам бошқарувда қолдиришни истамоқда. Аввалроқ, агар ёзда Криштиану Роналду клубни тарк этса, мураббий ҳам кетиши мумкинлиги ҳақида гаплар тарқалган эди.
Бироқ яқинда юлдуз ҳужумчи «Ал-Наср»да қолиш нияти борлигини билдирган. Жезуш клубни ўтган йилнинг июлидан буён бошқариб келмоқда, ҳозирда эса жамоа чемпионат турнир жадвалида пешқадам бўлиб турибди.