«Ал-Наср» бош мураббий билан шартномани узайтирмоқчи
Саудия Арабистонининг «Ал-Наср» клуби бош мураббий Жорже Жезуш билан ҳамкорликни давом эттириш ниятида. Манбаларга кўра, клуб раҳбарияти португалиялик мутахассисга 2027 йил ўрталаригача мўлжалланган янги шартнома таклиф қилишга тайёр. Бу ҳақда euro-football.ru хабар беради.
«Ал-Наср» раҳбарияти Жезушнинг ишидан мамнун ва келаси мавсумда ҳам уни жамоа бошқарувида кўришни хоҳламоқда.
Аввалроқ, агар Криштиану Роналду ёзда клубни тарк этса, Жезуш ҳам кетиши мумкинлиги ҳақида гаплар тарқалган эди. Бироқ юлдуз ҳужумчи яқинда «Ал-Наср»да қолиш нияти борлигини маълум қилди.
Жезуш жамоани ўтган йил июль ойида қабул қилиб олганди. Ҳозирда «Ал-Наср» чемпионат турнир жадвалида пешқадамлик қилмоқда.