«Эспаньол» 2026 йилда чемпионатда ҳали ғалаба қозонмади
Испания чемпионатида 25-тур учрашувлари давом этмоқда. Кеча Мадридда бўлиб ўтган баҳсда «Эспаньол» «Атлетико»га 2:4 ҳисобида имкониятни бой берди ва 2026 йилдаги навбатдаги омадсиз ўйинини ўтказди. Бу ҳақда euro-football.ru хабар беради.
Янги йил бошидан бери «папуғайлар» ҳали ғалаба нималигини билмаяпти: саккизта учрашувда жамоа атиги икки бор дуранг ўйнади, қолган олти баҳсда эса мағлуб бўлди. Бу клуб учун деярли уч йилдан бери кузатилмаган энг ёмон серия — сўнгги марта бундай ҳолат 2023 йил апрелидан бошлаб қайд этилганди.
Шунга қарамай, «Эспаньол» турнир жадвалида ҳануз еттинчи ўринни сақлаб турибди. Бунга сабаб — жамоанинг биринчи даврада яратиб олган яхши заҳираси.