«Кальяри» устози: жароҳатларга қарамай очко олдик, деди
А Сериянинг 26-турида «Кальяри» «Лацио»га қарши ўйинда дуранг қайд этиб, муҳим бир очкони қўлга киритди. Жамоа бош мураббийи Фабио Пизакане бу натижани таркибдаги кўплаб жароҳатлар фонида ижобий деб баҳолади. Бу ҳақда euro-football.ru хабар беради.
Мутахассис футболчиларининг характерини алоҳида таъкидлади: «Йигитларимни албатта мақтайман. Жароҳатлар жуда кўп, бу бизга оғриқли таъсир қиляпти. Бугун ҳам йўқотишлар бўлди. Аммо буни баҳона сифатида айтаётганим йўқ — шунчаки одамлар биз амбицияли, шаҳарга ва бутун ҳудудга муносиб жамоа қураётганимизни тушунишини истайман», — деди Пизакане.
Ҳозирда «Кальяри» А Серия турнир жадвалида 12-ўринда бормоқда.