Сантууш Роналду 2026 йилги ЖЧда ўйнаши ҳақида гапирди
Португалия терма жамоасининг собиқ бош мураббийи Фернанду Сантууш Криштиану Роналду ҳануз жамоа учун қанчалик муҳим эканига тўхталди. Бу ҳақда euro-football.ru хабар беради.
Ой бошида «Ан-Наср» ҳужумчиси 41 ёшни қарши олди. ОАВда эса тажрибали юлдузнинг ҳозирги ҳолатида терма жамоага қай даражада кераклиги борасидаги баҳслар тўхтамаяпти.
«Роналду 2026 йилги жаҳон чемпионатида асосий таркибда бўлиши шартми? Ҳар бир мураббийда ўз тактикасига мос қараш бўлади. Агар Криштиану яхши формада, энг юқори кондицияда бўлса, у аниқ ва табиий танловга айланади — унинг профессионаллигига ҳали ҳам шубҳа йўқ. У мен билан ҳеч қачон фаолиятини якунлаш ҳақида гаплашмаган. Якуний қарорни ўзи қабул қилади, лекин мен унинг кетишига ҳали анча бор, деб умид қиламан», — дея Сантуушнинг сўзларини Al Nassr Zone келтирди.
Маълумот учун, Роналду 2026 йилги ЖЧ саралашида ҳозирча беш гол урди.