Маттео Габбия Леау «Милан» учун таянч футболчи эканини айтди
«Милан» ҳимоячиси Маттео Габбия Рафаэл Леау яна гол ура бошлаганидан мамнун. Унинг таъкидлашича, етти йилдан буён жамоа сафида тўп суриб келаётган португалиялик ҳужумчи клуб тизимида жуда муҳим ўрин тутади. Бу ҳақда euro-football.ru хабар беради.
Габбия Леау ҳозир яна тўлиқ қувват билан ҳаракат қилаётганини, олдинда ундан янада кўпроқ голлар кутаётганини айтди. Ҳимоячи Рафу учун хурсанд эканини ҳам қўшимча қилди, дея хабар беради pianetamilan.it.
Айни пайтда «Милан» А Серия жадвалида иккинчи ўринда бормоқда ва пешқадам «Интер»дан етти очко ортда. Клуб сўнгги бор 2022 йилда, Стефано Пиоли бош мураббий бўлган даврда Италия чемпиони бўлган.