«Райо» мухлислари «Вальекас» стадионидан воз кечишни истамаяпти
Сўнгги ойлар «Райо Валекано» атрофида энг кўп муҳокама қилинаётган мавзулардан бири — стадион масаласи. Клуб раҳбарияти аренани зудлик билан таъмирлаш зарурати билан юзма-юз: «Вальекас» энди Испания Ла Лигаси талабларининг энг кам даражасига ҳам мос келмай қолди ва шу сабаб жамоанинг бир нечта уй учрашувлари бошқа жойга кўчирилди. Бу ҳақда euro-football.ru хабар беради.
Вазиятни янада мураккаблаштираётган омил — мухлислар босими. Улар раҳбариятдан имкон қадар тезроқ ўз уй стадионига қайтишни талаб қилмоқда. Шу билан бирга, кўпчилик «Райо» ҳозир ўйнаётган «Бутарке»га кўчиб ўтиш «Вальекас» каби рамзий, камтарона ва ўзига хос аренадан бутунлай воз кечишга олиб келишидан хавотирда.