Барселона Левандовски ўрнига Маркус Тюрамни кўзламоқда
“Интер” ҳужумчиси Маркус Тюрам фаолиятини Испанияда давом эттириши мумкин. Бу ҳақда euro-football.ru хабар беради.
Diario SPORT хабарига кўра, франсуз футболчисини “Барселона” сафига қўшиб олишга қизиқиш билдирмоқда. Каталонияликлар Тюрамни Роберт Левандовскига бўлиши мумкин бўлган ўринбосар сифатида кўрмоқда. “Интер” эса футболчиси бўйича музокараларни камида 80 миллион евроидан бошланадиган сумма атрофида олиб боришга тайёр.
Тюрам 2023 йилда Менхенгладбахнинг “Боруссия”сидан “Интер”га эркин агент сифатида келиб қўшилган. Унинг шартномаси 2028 йил 30 июнгача амал қилади. Жорий мавсумда ҳужумчи Милан клуби сафида барча мусобақаларда 29 ўйинда майдонга тушиб, 12 та гол урди ва 5 та голли узатма амалга оширди.