Криштиану Роналду ёзда Европага қайтиши мумкин
Криштиану Роналду «Ал-Наср» билан келишмовчиликларни бартараф этди ва бойкотдан кейин яна майдонга қайтди. Шунга қарамай, ёзги трансферлар даврида португалиялик юлдуз клубини ўзгартириши эҳтимоли сақланиб турибди. Бу ҳақда euro-football.ru хабар беради.
The Touchline хабарига кўра, агент Жорже Мендеш аллақачон Европанинг топ клублари билан боғланиб, 41 ёшли Роналдуни ёзда таркибга қўшишни таклиф қилмоқда.
Аввалроқ ОАВда Роналду «Манчестер Юнайтед»дан кетганидан кейин юзага келган келишмовчиликлар сабаб Мендеш билан ҳамкорликни тўхтатгани ҳақида ёзилганди. Бироқ Transfermarkt маълумотларида Криштиану ҳануз Мендеш агентлигининг мижози сифатида кўрсатилган.
Роналду ва «Ал-Наср» ўртасидаги амалдаги шартнома 2027 йилнинг ўрталаригача мўлжалланган.