«Ал-Наср» устози Роналдуга навбатдаги ўйинда дам берди
«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Эр-Риёд клуби чоршанба куни ОФК Чемпионлар Лигаси доирасида «Аркадаг»га қарши ўйнайди. Португалиялик юлдуз ҳужумчи бойкотдан сўнг тез орада қайтиши кутилган бўлса-да, бу сафар ҳам жамоа рўйхатидан жой олмайди.
Жезушнинг айтишича, зич тақвим сабаб Роналду ва асосий таркибдаги яна бир қатор футболчиларга дам бериш режалаштирилган. Мураббий буни яқин кунларда бўладиган муҳим «Ал-Фатеҳ»га қарши баҳс билан изоҳлади.
Шунингдек, у Роналду учун бундай танаффус янгилик эмаслигини, Саудия Арабистонидан ташқарида ўтказиладиган ўйинларда у аввал ҳам бир неча бор қатнашмаганини таъкидлади. Жезушнинг сўзларини Al Nassr Zone келтирди.
Саудия чемпионатидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.