Арбелоа «Бенфика» билан ўйин қийин кечишини тан олди
Мадриднинг «Реал» жамоаси бош мураббийи Альваро Арбелоа Чемпионлар лигасида «Бенфика»га қарши бўладиган баҳс олдидан фикр билдирди. Бу ҳақда euro-football.ru хабар беради.
Мутахассис Лиссабондаги учрашувда юқори даражадаги ўйин кўрсатиш зарурлигини таъкидлади. Унинг айтишича, жамоа вазифа қанчалик оғир эканини яхши билади ва ғалаба учун сешанба куни бор кучини ишга солиши керак.
Эслатиб ўтамиз, Чемпионлар лигасининг умумий босқичи якуний турида «Реал» сафарда «Бенфика»га 2:4 ҳисобида мағлуб бўлганди. Ўша натижа португалияликларга плей-офф йўлланмасини қўлга киритишга ёрдам берган.
Чемпионлар лигаси плей-офф йўлланмаси учун стик раундининг илк ўйини «Бенфика» — «Реал» 17 февраль куни бўлиб ўтади. Учрашув 01:00 да (Тошкент вақти билан) бошланади.