Месси Lego'дан жаҳон чемпионлиги кубогини йиғиб чиқди
Аргентина терма жамоаси юлдуз ҳужумчиси Лионел Месси ижтимоий тармоқларда янги пост улашди. Кадрлардан кўринишича, у Lego конструктори ёрдамида жаҳон чемпионлиги кубоги моделини йиғиб чиққан. Бу ҳақда euro-football.ru хабар беради.
Месси сурат остида “Буни якунладик, Lego”, дея фахр билан ёзди. Якунда чиққан кубокнинг баландлиги асл трофей ўлчамларига мос бўлиб, модел 2842 та деталдан иборат экани қайд этилди.
Бу иш анча вақт ва сабр талаб қилиши табиий. Эслатиб ўтамиз, Аргентина ҳозирги амалдаги жаҳон чемпиони: ўтган мундиал финалида “альбиселесте” Франция билан 3:3 ҳисобидаги дурангдан сўнг пенальтилар сериясида зафар қучган эди.