Йелагин Роналдунинг қайтишини алоҳида эътироф этди
Саудия Арабистони чемпионатининг 22-турида «Ал-Наср» сафарда «Ал-Фатеҳ»ни 2:0 ҳисобида мағлуб этди. Учрашувдаги голлардан бирини 41 ёшли ҳужумчи Криштиану Роналду урди — у бойкотдан кейин яна майдонга қайтди. Бу ҳақда euro-football.ru хабар беради.
Ўйиндан сўнг футбол шарҳловчиси Александр Йелагин португалиялик юлдузнинг ҳаракатларини юқори баҳолади.
«Буюк футболчи иш ташлашдан кейин қайтди ва дарров гол урди. Фақат гол билан кифояланмади, ҳимояда ҳам ишлади — бир неча бор жарима майдончасидан тўпни узоқлаштирди. Ёш боладек югуради! Ҳам қойил қолдим, ҳам ҳавас қилдим», — деб ёзди Йелагин ижтимоий тармоқларда.
Жорий мавсум Саудия Арабистони чемпионатида Роналду 19 ўйинда 18 та гол урди.