Икарди уч гол уриб «Галатасарай» тарихига кирди
Туркия чемпионатининг 22-тур учрашувида «Галатасарай» «Эюпспор» устидан йирик ҳисобда ғалаба қозонди — 5:1. Баҳснинг асосий қаҳрамони аргентиналик ҳужумчи Мауро Икарди бўлиб, у хет-трик қайд этди. Бу ҳақда euro-football.ru хабар беради.
Ушбу учта гол Икардига клуб тарихида янги рекорд олиб келди: у «Галатасарай» сафида энг кўп гол урган легионерга айланди. Мауро ҳисобидаги голлар сони 76 тага етиб, у бу кўрсаткичда руминиялик Георги Хаджини (75) ортда қолдирди.
Қайд этилишича, умумий тўпурарлар рўйхатида Икарди ҳозирча еттинчи поғонада бормоқда. Ҳужумчи «Галатасарай»да 2023 йилдан бери ўйнаб келмоқда, аввал эса «ПСЖ» шарафини ҳимоя қилган.