Симеоне «Атлетико»га бўлган туйғуларини сўз билан ифодалай олмади
Мадриднинг «Атлетико» клуби бош мураббийи Диего Симеоне жамоага бўлган меҳрини яна бир бор очиқ айтди. Бу ҳақда euro-football.ru хабар беради.
Аргентиналик мутахассис матбуот анжуманида «Атлетико» билан боғлиқ ҳисларини сўз билан таърифлаш қийинлигини таъкидлади. Унинг айтишича, клубдан кўраётган муҳаббат учун миннатдор, шунингдек, ўзи каби иштиёқ билан футбол ўйнаётган футболчиларга ҳам раҳмат айтди.
Эслатиб ўтамиз, Симеоне «Атлетико»ни 2011 йилдан буён бошқариб келади. Ла Лиганинг жорий мавсумида «матрасчилар» 23 учрашув ўтказиб, 45 очко жамғарган ва ҳозирча турнир жадвалида учинчи ўринда бормоқда.