Икарди «Эюпспор»га хет-трик қилиб рекорд ўрнатди
Туркия чемпионатининг 22-тури доирасида «Галатасарай» ўз майдонида «Эюпспор»ни йирик ҳисобда мағлуб этди — 5:1. Учрашувнинг энг ёрқин қаҳрамони аргентиналик ҳужумчи Мауро Икарди бўлиб, у учта гол урди. Бу ҳақда euro-football.ru хабар беради.
Икардининг бу хет-трики «Галатасарай» тарихидаги муҳим натижани ҳам таъминлади: у клуб тарихидаги энг сермаҳсул легионер тўпурарга айланди. Мауро энди 76 та гол билан руминялик Гхеорғе Хаги (75)ни ортда қолдирди. Клуб тўпурарларининг умумий рўйхатида эса аргентиналик футболчи ҳозирча еттинчи поғонада бормоқда.
Эслатиб ўтамиз, Мауро Икарди 2023 йилдан буён «Галатасарай» сафида тўп тепмоқда. У бунгача фаолиятини Франциянинг «ПСЖ» клубида давом эттирган эди.