«Бока Хуниорс» спорт директори лавозимига Делгадо тайинланди
Аргентина гранди «Бока Хуниорс» клубида спорт директори алмашди. Жамоанинг янги спорт директори этиб Марсело Делгадо тайинлангани расман эълон қилинди. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
«Бока» таркибни тезроқ кучайтиришга муҳтож, шу боис Делгадо ва Рикелме олдида трансфер бозорида жиддий вазифалар турибди. Раҳбарият яқин даврда жамоани кучайтириш бўйича аниқ қадамлар ташлашни кўзламоқда.
Марсело Делгадо футболчи сифатида ҳам танилган: у Аргентина терма жамоасида 1995–2002 йилларда 18 та учрашувда майдонга тушган ва 1998 йилги жаҳон чемпионатида ҳам қатнашган. 2003 йилда эса у «Сантос» ҳужумчиси Рикардо Оливейра билан бирга Либертадорес кубоги тўпурарлари рўйхатида энг юқорига кўтарилган.