Аргентина чемпионатида Ди Мария симуляция айбловлари остида қолди
Анхел Ди Мария ватанига қайтиб, илк учрашувларда ўзини яхши томондан кўрсатди, бироқ тез орада унинг атрофида салбий фон кучая бошлади. Бу ҳолат натижалардан кўра кўпроқ рақибларнинг норозилиги билан боғлиқ: улар Ди Марияни майдонда тез-тез симуляция қилади, деб ҳисобламоқда. Бу ҳақда euro-football.ru хабар беради.
Аргентина чемпионатига бағишланган форумларда ҳам муҳокамалар авж олган. Айрим мухлислар ва кузатувчилар «нега Ди Мария ҳийлалари учун огоҳлантирилмайди», «у юлдуз, лекин бундай ҳаракатлари тоқатсиз қилиб юборди», «шундай маҳоратли футболчининг пеналти сўраб ўзини ташлаши ачинарли» каби кескин фикрларни ёзмоқда. Ҳозирда собиқ “Манчестер Юнайтед” ва “Реал” футболчиси “Росарио Сентрал” сафида тўп сурмоқда.