Мартинович «Арсенал» футболчиси билан кулгили суҳбатни эслади
«Қайрат» ҳимоячиси Александр Мартинович Чемпионлар лигасидаги сўнгги учрашувдан кейин «Арсенал» футболчиси Кай Ҳаверц билан бўлиб ўтган қизиқ мулоқот ҳақида гапириб берди. Унинг айтишича, лондонлик ҳужумчига Мартиновичнинг чеҳраси жуда таниш туюлган. Бу ҳақда euro-football.ru хабар беради.
Мартиновичнинг сўзларига кўра, Ҳаверц: «Нега билмадим, юзинг менга жуда таниш», деган. Александр эса бунга жавобан аввалроқ улар «Байер»га қарши ўйинларда тўқнаш келганини, кейинроқ эса Ҳаверц «Челси» сафида юрган пайтда ҳам бир неча бор майдонда рўбарў келишганини эслатган.
Шунингдек, Мартинович ўз коллекциясида Ҳаверцнинг ўйин футболкаси борлигини ҳам таъкидлади. Эслатиб ўтамиз, Александр аввал Россия чемпионатида ҳам тўп суриб, «Краснодар», «Урал» ва «Рубин» жамоаларида ўйнаган.
Маълумот учун, «Арсенал» ва «Қайрат» январ охирида Чемпионлар лигаси умумий босқичининг сўнгги турида учрашган. Лондон клуби ўз майдонида 3:2 ҳисобида ғалаба қозонган.