Жезуш Роналдуга дам берилди, у навбатдаги ўйинни ўтказиб юборади
«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилаётган бўлса-да, бу ўйинда у яна таркибда бўлмайди.
«Жадвал жуда тиққиз. Шунинг учун Роналду ва асосий таркибдаги яна бир қанча футболчиларга дам беришга қарор қилдик. Олдинда «Ал-Фатеҳ»га қарши муҳим учрашув бор», — деди Жезуш. Мураббий сўзларини Al Nassr Zone келтирди.
Жезушнинг таъкидлашича, Роналдуга дам берилиши янгилик эмас: у Саудия Арабистонидан ташқарида ўтадиган учрашувларда биринчи марта иштирок этмаётгани йўқ.
Саудия чемпионатидаги «Ал-Фатеҳ» — «Ал-Наср» ўйини шанба, 14-февраль куни бўлиб ўтади.