Куртуа «Бенфика» билан баҳс олдидан ишонч билдирди
Мадриднинг «Реал» клуби дарвозабони Тибо Куртуа Европа Чемпионлар лигасида «Бенфика»га қарши бўладиган тўқнашув арафасида ўз фикрларини айтди. Бу ҳақда euro-football.ru хабар беради.
Жамоалар умумий босқичнинг сўнгги турида ҳам учрашган, ўшанда «қироллик клуби» учун ўйин омадсиз якунланган эди: 2:4 ҳисобидаги мағлубият «Реал»ни 1/8 финалга тўғридан-тўғри йўлланмадан маҳрум қилганди. Энди эса Алваро Арбелоа жамоасини плей-оффнинг стиков босқичида яна «бургутлар»га қарши синов кутмоқда.
Куртуанинг таъкидлашича, Лиссабондаги ўша учрашув ниҳоятда оғир кечган: бу стадионда ғалаба қозониш осон эмас. Шунга қарамай, дарвозабон «Реал» ўша куни энг яхши ўйинини кўрсатмаганини тан олиб, жамоа хатолардан керакли хулоса чиқарганини ва бу сафар вазият бутунлай бошқача бўлишига ишончини билдирди. Унинг айтишича, бунинг сабаби — олдинда «Бернабеу»даги жавоб баҳси борлигини футболчилар яхши англаб турибди.
Илк ўйин 17-февраль куни Лиссабонда, жавоб учрашуви эса 25-февраль куни Мадридда бўлиб ўтади.