«Тоттенҳэм» Франкни истеъфога чиқариш қарорини эълон қилди
Сешанба куни «Тоттенҳэм» ўз майдонида «Ньюкасл»га 1:2 ҳисобида ютқазди. Орадан бир кун ўтиб лондонликлар бош мураббий Томас Франк билан ҳамкорлик якунлангани ҳақида расман маълум қилди. Вазият қандай қарорга келгани бўйича журналист Бен Жейкобс тафсилотларни очиқлади. Бу ҳақда euro-football.ru хабар беради.
Жейкобснинг ёзишича, клуб раҳбарияти Франкка вақт беришга уриниб кўрган, бироқ охир-оқибат «ҳолат чидам бўлмас даражага етган». Қарор клубнинг юқори раҳбарлари — Винай Венкатешам ва Йохан Ланге томонидан қабул қилинган.
Шунингдек, директорлар кенгашига кирмаса-да, клуб эгаси Льюислар оиласи номидан иш юритадиган Ник Бехен ҳам жараёнда иштирок этгани қайд этилди.
Айни пайтда «Тоттенҳэм» Англия Премьер-лигаси жадвалида 16-ўринда бормоқда. ОАВда Маурисио Почеттино клубга қайтиши мумкинлиги ҳақидаги гап-сўзлар ҳам пайдо бўлди.