«Бока Хуниорс» янги спорт директори номини эълон қилди
Аргентина гранди «Бока Хуниорс» клубида спорт директори лавозимига Марсело Делгадо тайинланди. У клуб президенти Хуан Рикелме билан бирга яқин ҳамкорликда ишлайди — Рикелме аввал «Барселона» сафида ҳам тўп сурган. Бу ҳақда euro-football.ru хабар беради.
Жамоа таркибини тез фурсатда кучайтиришга муҳтож, шу сабаб Делгадо ва Рикелме тандемининг трансферлар ва кадрлар сиёсати бўйича зудлик билан иш бошлаши кутилмоқда.
Марсело Делгадо футболчилик фаолиятида Аргентина терма жамоаси шарафини ҳам ҳимоя қилган: 1995–2002 йилларда 18 ўйинда майдонга тушган ва 1998 йилги жаҳон чемпионати баҳсларида ҳам иштирок этган.
Шунингдек, у 2003 йилда Либертадорес кубоги тўпурарлари рўйхатида «Сантос» ҳужумчиси, бразилиялик Рикардо Оливейра билан бирга энг юқори натижани қайд этган.