«Марсель» бош мураббийлик учун Консесау вариантини кўриб чиқмоқда
«Марсель» Роберто де Дзерби билан хайрлашгач, бош мураббийлик бўйича янги номзод излаш ишларини жадаллаштирди. Журналист Себастьян Дени хабарига кўра, француз клуби рўйхатидги асосий вариантлардан бири — «Ал-Иттиҳод»ни бошқараётган Сержиу Консесау. Бу ҳақда euro-football.ru хабар беради.
Манбага кўра, томонлар ўртасида расмий музокаралар ҳали бошланмаган. Шунга қарамай, «Марсель» раҳбарияти португалиялик мутахассисни анчадан бери кузатиб келади ва уни 2024 йилда ҳам жамоага олиб келишни истаган.
Таъкидланишича, Консесауннинг «Ал-Иттиҳод» билан шартномасида 4,5 млн евролиқ товон пули (компенсация) банди кўзда тутилган.
Франция чемпионатининг 21-туридан сўнг «Марсель» 39 очко билан турнир жадвалида тўртинчи ўринда бормоқда.