Романо Влаховичнинг «Барселона»га ўтиши ҳақидаги гапларга муносабат билдирди
«Ювентус» ҳужумчиси Душан Влаховичнинг «Барселона»га кўчиши эҳтимоли сўнгги кунларда яна фаол муҳокама қилинмоқда. Бу ҳақда euro-football.ru хабар беради.
Сербиялик футболчи каталонияликлар сафига эркин агент сифатида бориши мумкинлиги айтиляпти, чунки унинг шартномаси келаси ёзда якунланади. Сербия терма жамоаси мураббийлар штаби вакилининг сўзлари ҳам бу миш-мишларни янада кучайтириб юборди.
Машҳур инсайдер Фабритсио Романо эса бу гапларга аниқлик киритди: унинг таъкидлашича, Сербия мураббийи билдирган баёнотлар ҳақиқатга тўғри келмайди. Влахович ҳозирча ҳеч ким билан келишувга эришмаган, «Ювентус» спорт директори Оттолини ҳам шартномани узайтириш вариантини истисно қилмаяпти. Романо «Барселона» футболчи билан октябрь ойида алоқага чиққанини тасдиқлади, бироқ келишув кўп жиҳатдан Левандовски билан боғлиқ вазиятга бориб тақалишини қўшимча қилди.
Влаховичга қизиқиш билдираётган клублар орасида «Бавария», «Милан» ва бошқа жамоалар ҳам тилга олинган.