Роналду сукутни бузди ва клуб базасидан ишора қилди
Криштиану Роналду сўнгги ўйинларда «Ал-Наср» сафида кўринмади ва жамоанинг бир нечта учрашувларини бойкот қилгани айтилди. Бундан ташқари, португалиялик ҳужумчи кетма-кет беш кун давомида ижтимоий тармоқларда ҳеч қандай пост қолдирмади. Бу ҳақда euro-football.ru хабар беради.
Сешанба куни 41 ёшли футболчи ниҳоят жимликни бузди. Роналду клуб базасида олингани тахмин қилинаётган суратни эълон қилиб, кадрда икки бармоғини юқорига кўтариб, оммабоп ишорани кўрсатди. Пост тагига у мос эмодзини ҳам қўшиб қўйди.
Аввалроқ ОАВда Роналду клуб унинг бир қатор талабларини бажаргач, бойкотни якунлагани ҳақида хабарлар тарқалган эди.
Айни пайтда «Ал-Наср» Саудия Арабистони чемпионати жадвалида иккинчи ўринда бормоқда. Етакчи «Ал-Ҳилол» эса ундан атиги бир очко олдинда.